Продолжен рокот за поднесување ДДВ-04 пријава

Се продолжува рокот за поднесување на ДДВ-04 пријава. Крајниот рок се продолжува за три работни дена, односно краен рок за поднесување ќе се смета 28 јануари 2022 година.

Како што соопшти Управата за јавни приходи (УЈП), продолжувањето е согласно Законот за даночна постапка, во услови на ограничени човечки и временски ресурси и намалени капацитети кај даночните обврзници, поради актуелната состојба со COVID-19, а со цел одбегнување на отежнато поднесување на даночни пријави преку системот е-даноци.