На 06.12.2021 година при преземени сообраќајни контроли, полициските службеници од полициската станица за безбедност во патниот сообраќај Охрид, контролирале и во станица за технички преглед упатиле 22 автобуси што вршат јавен превоз на патници.
Притоа, кај еден автобус констатиран бил неисправен уред за сопирање поради што, возилото е исклучено од сообраќај, а кон правното и одговорното лице поднесени се соодветна пријава. Во Струга, поради неправилно паркирани и оставени возила на коловоз, со специјално возило „пајак”, подигнати се пет моторни возила, а во Кичево, полициските службеници санкционирале шест пешаци кои, коловозот го преминувале надвор од обележан пешачки премин – информираат од СВР Охрид.
