Гладијаторите денес ќе ги одмерат силите со екипата на Тиквеш

Во рамки на 12-то коло од Супер лигата, ракометарите на ГРК Охрид гостуваат во Кавадарци, каде што ќе ги одмерат силите со екипата на Тиквеш.

Со оптимистичен став, Мице Шилегов пред дербито на колото против екипата на Тиквеш во Супер лигата.

За нас како екипа денешниот натпревар против екипата на Тиквеш е многу значаен. Посветивме цела недела на интезивни тренинзи и видео анализа. Нијанси ќе одлучуваат на натпреварот. Тиквеш е добра екипа, но ние ќе го дадаме максимумот и одиме на победа. Ќе се бориме за нови 3 бодови и за зацврстување на местото во Play Off фазата – изјави Шилегов.

Натпреварот започнува во 19:00 часот, а ќе биде пренесуван во живо на националниот јавен сервис МРТ3.