Казнети 9 возачи во Охрид поради пребрзо возење

На 15-ти октомври 2021 година, во периодот од 15:00 до 19:00 часот, при извршена сообраќајна контрола, полициски службеници од полициската станица за безбедност во патниот сообраќај Охрид, регистрираа и санкционираа 9 возачи на моторни возила кои извршиле пречекорување на дозволената брзина на движење.

Од нив, 3 возачи ја надминале дозволената брзина надвор од населено место, а 6 возеле побрзо од дозволената брзина во населено место). Викендов, сообраќајните контроли ќе бидат интензивирани, а целта е подобрување на сообраќајната безбедност и доследно почитување на сообраќајната хоризонтална и вертикална сигнализација и останатите сообраќајни правила и прописи – информираат од СВР Охрид.