Истражувачи од Македонија, Србија и Франција ја следат популацијата на шумски желки, рибарки и поскоци на островот Голем Град

Годинава по петнаесетти пат истражувачите од Македонија, Србија и Франција се сретнаа на преспанскиот остров Голем Град за да продолжат со следење на популацијата на шумски желки, рибарки и поскоци.

Првата сесија се случи во мај а истражувањата продолжуваат и во јули и август. Ваквиот тип на долгогодишни истражувања и бази на податоци ни помагаат да сведочиме и опишеме бројни еколошки и еволутивни феномени.

Годинава МЕД и официјално беше дел од истражувачкиот тим и доби поддршка од фондациите Prespa Ohrid Nature Trust – PONT ПОНТ и AAGE V JENSEN NATURFOND Јенсен и логистичка помош од EuroNatur ЕуроНатур. Сите собрани податоци ќе бидат споделени со НП Галичица и Општина Ресен за подобро управување со заштитените подрачја.