Охридското Езеро денес е само 6 цм над дозволениот минимум

Охридското Езеро денес на 693,16 м.н.в, 17 сантиметри под месечниот просек. Нивото на водата во Охридското Езеро денес останува под просекот за овој период од годината.

Според денешните мерења на Управата за хидрометеоролошки работи на Република Македонија (УХМР), водата е на кота од 693,16 м.н.в, што е за 17 сантиметри под просечното ниво за овој месец (693,33 м.н.в). Охридското Езеро останува на само 6 цм над дозволениот минимум

Температурата на езерската вода, измерена утрово во 07:30 часот е 21,5 степени, што е за 0,6 степени повисоко од просекот за овој период од годината.