Расте бројот на новозразени со Covid-19, можно е затворање на општини со карантински мерки

Министерот за здравство Др. Венко Филипче на денешната прес конференција информира дека е спроведен надзор во Тетово и во Штип, каде се анализирани сите случаи. Од увидот во Тетово е констатирано дека не се почитува самоизолацијата и има генерално непочитување на сите мерки.Од увидот во Штип е утврдено непочитување на правило за транспорт, истакна Филипче посебно во конфекциите, од кои една е затворена од инспекторатот, со оглед на тоа што има 17 заболени во истата. Епидемиолозите се соочуваат со одбивање на соработка да даваат точни податоци новозаболените и тешко може да се достават решенија за самоизолација, а има информации за граѓани кои и со решенија за самоизолација се шетаат надвор, подвлече министерот.

“Барам апсолутно поголема ажурност и работа на МВР и поголема контрола и санкции за оние кои овие мерки не ги почитуваат , ние продолжуваме активно да ја следиме состојбата“ вели Венко Филипче – Министер за здравство РСМ.

Процентот на заразени од тестирани во изминатите 14 дена, според статистиката, изнесува 5.5%, во кој процент се калкулираат и тестовите од скринингот, а капацитетот во болниците е пополнет 11% со што здравствениот систем е во добра состојба,. Исто така над 92% е процентот на оздравени здравствени лица.
Зголемениот број на случаи најчесто се од познати кластери, но има и неколку нови во некои општини, кои беа индикатор да се направат контроли.

„Повторно ќе воведеме рестрикции ако епидемиолошката состојба тоа го наложи, што е дискутирано на утринскиот состанок со Комисијата. Ќе се анализира состојбата и во наредниот период и врз основа на тоа ќе се носи одлука. Во ментов поради добрата состојба на здравствениот систем сеуште нема потреба за тоа, но повторувам, состојбата ја следиме и доколку е потребно повторно ќе воведеме такви мерки“ рече Венко Филипче – Министер за здравство РСМ.

Новозаболените се во 4 скопски општини Сарај, Чаир, Гази Баба и Аеродором. Граѓаните, како што објасни тој, најчесто се заразуваат зашто се групираат без да носат заштитни маски.