Карлсен подобар од Топалов

Младиот норвешки велемајстор Магнус Карлсен (рејтинг 2770) го совлада топ-фаворитот Веселин Топалов (2812) на стартот од шаховскиот супертурнир од 21. категорија „М-тел мастерс“ во Софија.

Топалов освои три од досегашните четири изданија на турнирот, освен минатата година, кога со ефект 8/10 триумфира Украинецот Василиј Иванчук (2746). Тој, пак, со бели фигури загуби од Алексеј Широв (2745) од Шпанија, а преостанатиот дуел меѓу Јуе Ванг (2738) од Кина и Леиниер Домингез (2717) од Куба заврши нерешено.

„М-тел мастерс“ од другите турнири се разликува по две правила: противниците не смеат да комуницираат за време на партијата и не смеат да понудат реми, освен во три ситуации – трикратно повторување потег, вечен шах и теоретска реми позиција. Се игра по класично темпо од 90 минути за првите 40 потези од играч и уште по 60 минути до крајот на партијата, која може да трае најмногу пет часа. Се игра во стаклена просторија поставена на плоштадот пред националниот театар „Иван Вазов“.

Карлсен – Топалов

1. д4 д5 2. ц4 ц6 3. Сф3 Сф6 4. Сц3 е6 5. Лг5 х6 6. Л:ф6 Д:ф6 7. е3 Сд7 8. Лд3 д:ц4 9. Л:ц4 г6 10. О-О Лг7 11. е4 О-О 12. е5 Де7 13. Де2 б5 14. Лд3 Лб7 15. Ле4 Тфд8 16. Тац1 Таб8 17. Тфд1 а6 18. х4 Ла8 19. Тц2 Тдц8 20. Тдц1 Дф8 21. а4 ц5 22. а:б5 ц:д4 23. С:д4 Л:е4 24. С:е4 Т:ц2 25. Т:ц2 а:б5 26. Сц6 Тб6 27. ф4 Да8 28. Се7+ Кх7 29. х5 Та6 30. х:г6+ ф:г6 31. Тц7 Та1+ 32. Кф2 Дд8 33. Дд3 Д:е7 34. Т:д7 Дх4+ 35. Кф3 Дх5+ 36. Кг3 1-0

{loadposition content9}