Просторот околу маркетот Рамстор во Охрид, и ова лето наликува на пазар или панаѓур

И ова лето граѓаните реагираат дека просторот околу маркетот Рамстор е несреден и натрупан со пакети , палети и стока. Местото на производите им е на рафтови или во магацин а не околу маркетот, на тревникот и тротоарот. Сето тоа создава една грда слика во самиот центар на туристички Охрид веднаш до градскиот плоштад и Летница.

Граѓаните секое лето реагираат на ваквата пракса на Рамстор да ја чуваат стоката околу самиот маркет . Не ретко се сличува и на температура од над 30 степени, изложени на сонце и светлина да се чуваат цели палети со вода и безалкохолни пијалоци. Стока се остава и чува надвор од објектот до самиот плоштад. На ваква слика реагираа граѓани до ТВМ и минатите години. Потрошувачите очекуваат поголема дисциплина во спроведувањето на стандардите посебно од познати ланци на маркети.
ТВМ телевизија ја контактира маркетинг службата на Рамстор од каде побара одговор кога и како планираат да го расчистат просторот околу нивниот маркет во Охрид. До изготвувањето на овој прилог не добивме одговор. Истото прашање им го поставивме и ланската туристичка сезона и во 2015та година. Одговорот од дирекцијата на синџирот маркети Рамстор и во двата наврати беше буквално идентичен. Тврдеа дека ги запазувале сите стандарди за манипулирање со производите и дека артиклите кои го заземаат просторот пред самиот маркет и преставуваат грда слика за купувачите и минувачите во најбрз рок ќе бидат отстранети, а добавувачите ќе ги известат при дотур на стоката да не ја оставаат на тротоарите. Но, очигледно тоа нема да се случи за брзо и охриѓани и туристите и годинава ќе ја гледаат истата слика пред Рамстор.