Батон прв и во Малезија

Џејсон Батон возачот на Браун ГП е прогласен за победник на трката за големата награда на Малезија, која е прекината во 32 круг, поради неверојатна бура.

Откако беше увидено дека метеоролошките услови нема да дозволат продолжување, по пауза од еден час, одлучено е трката да заврши според класификацијата по 32 круг, иако требаше да се возат уште 24 круга.

Пилотите ќе бидат наградени само со половина поени од оваа трка, бидејќи заврши предвреме.

Ова е втора последователна победа на Батон, во вториот настап на екипата Браун ГП, со што британецот по две трки од годинешното Светско првенство ги има освоено максималните 20 бода.

На второ место се пласираше Ник Хајфелд од БМВ Заубер, а трет е Тимо Глок од Тојота. Актуелниот светскиот првак Луис Хамилтон заврши седми.

{loadposition content9}