Лејкерси со 50 победи сезонава

Кошаркарите на Лос Анџелес Лејкерс се првите кои стигнаа до бројката од 50 победи во оваа сезона во НБА лигата.

Ја остварија лесно, во саботата, во дуелот со Минесота во кој триумфираа со 110:90. На осмиот пораз во низа на „волците“ кумуваше Коби Брајант со 23 коша и четири асистенции, По Гасол забележа 21 поен и девет скока.

„Голем успех е да се стигне прв до бројката од 50 победи во една сезона. Пред нас имаме уште 20 натпревари во регуларниот дел во кои наша цел ќе биде да оствариме 6о победи“, изјави по мечот ренерот на „езерџиите“, Фил Џексон.

Лидерите во составот на Минесота беше триото Рајан Гомеш со 20 коша, Кевин Лав со 18 коша и 14 скока и Себастијан Телфер со 18 поени. Но, останатиот дел од тимот уфрли само 34 коша што беше недоволно да се стори нешто повеќе во дуелот со лејкерси кои доминантнина теренот.

Иако во последно време игра одлично и во голема форма, сепак, Двејн Вејд не можеше да го одведе Мајами до победа над Кливленд. Кавалирси славеа со 99:89 најмногу благодарение на, кој друг ако не, Леброн Џејмс и Мо Вилијамс. Мечот беше решен во воведните 12 минути во кои Кливленд обезбеди плус 12, залиха што само ја одржуваше во продолжението од натпреварот. Вејд уфрли 25 поени и забележа 12 додавања, Џермејн О’Нил додаде 19 коша што беше недоволно за „жешките“. Најдобри кошаркари во мечот беа Вилијамс со 29 коша и пет скока и Џејмс, кој оствари трипл-дабл ефект (14 поени, 10скока и 12 асистенции).

{loadposition content9}