Кривична за кичевчанец за неовластено производство и пуштање во промет на опојни дроги

Поради постоење основи на сомнение за сторено казнено дело „неовластено производство и пуштање во промет на опојни дроги, психотропни супстанци и прекурсори“ полициската станица од Кичево поднесе кривична пријава против Ќ.Х. (45) од Кичево.

На трети овој месец, пријавениот, по претходен договор остварил средба со З.В. од кичевското село Трапчин дол при што му продал една помала опаковка со хероин.

При претрес во домот на пријавениот, полициските службеници пронајдоа и одзедоа две пластични боци со непозната течност најверојатно метадон и една самоделска цевка од алуминиумска фолија. Во неговото патничко моторно возило марка „БМВ“ пронајдени се остатоци од високо адиктивна дрога хероин.

Истиот ден, по овластување од надлежниот јавен обвинител, двајцата се лишени од слобода.