Утре ден без автомобили во Охрид

Одбележувањето на Денот без автомобили ќе започне  во 10 часот и 30 минути со собирање на учесниците пред зградата на Општина Охрид, ќе  настапи  хорот од ОУ „ Христо Узунов“ , а потоа ќе се обратат градоначалникот Никола Бакрачески и амбасадорката на Германија Кристине Д. Алтхаузер. За таа цел, во соработка со СВР Охрид, за сообраќај ќе бидат  затворени  неколку фреквентни сообраќајници и тие се резервираат за велосипедисти и пешаци. Во перидот од 11 до 13 часот за сообраќај ќе бидат затворени  улиците „Димитар Влахов“, „Кузман Јосифовски“ од пресекот со „Димитар Влахов“ до пресекот со „Партизанска“ , улица „Партизанска“ од пресекот со „Кузман Јосифовски“ до пресекот со „Јане Сандански“ и дел од „Јане Сандански“ од пресекот со „Партизанска“ до пресекот со „Димитар Влахов“. Општина Охрид  ги повикува граѓаните масовно да се вклучат во оваа акција и барем еден ден во годината на работа да дојдат без автомобили, и да го направат вистинскиот потег за зачувување на чистиот воздух и чистата животна средина.