Започна новата академска година

Започна новата академска година. На ФТУ Охрид  на првиот свечен час добредојде на новите студенти им посакаа, новиот декан, новиот ректор и професорите .   ФТУ годинава може да се пофали со уште поголем број студенти кои се одлучиле своето високо образование да го стекнат токму на овој факултет. Во првиот и вториот уписен рок се запишале над 240 студенти, а на третиот се пријавени повеќе од 30 студенти.

И оваа година најголем интерес студентите покажале за студиската програма Царина и шпедиција, каде квотата е пополнета уште во првиот уписен рок , како и за насоките осигурување и туризам.

Според процентот на пополнетост, во рамки на битолскиот универзитет „ Св. Климент Охридски“ сме на второ место после Факултетот за безбедност. Интересот на младите за запишување на нашиот факултет е показател за нашата работа, вели идниот Декан на ФТУ, Професор д- р Цветко Андреески.

Присутните студенти на првиот час ги поздрави и идниот Ректор на Универзитетот „ Св. Климент Охридски“ во Битола, Професор д- р Сашо Коруновски, кој рече дека пред нив стои обврската за студирање, стекнување знаења и вештини на различно ниво од она кое досега го имале.

{loadposition content9}