„Алтернативно Лето Охрид”

Со цел поттикнување и афирмација на урбаната култура, на 31.07.2015 година (петок) на Скејт паркот во Охрид, Центарот за интегриран развој – Охрид (ЦИРО) во соработка со Општина Охрид, за прв пат ќе организира целодневен музички настан надополнет со национален Скејт и BMX натпревар под името “Алтернативно Лето Охрид” (АЛО).

Забавата започнува од 16:00 часот со реге музика. Од 18 – 21 часот ќе се одвива скејт и BMX натпревар каде ќе се натпреваруваат учесници од целата држава. Натпреварот е организиран во соработка со Скејтборд Асоцијација на Македонија (С.А.М.). Право на учество имаат сите заинтересирани скејтери и бајкери од цела Македонија, но и регионот. Пријавувањето е на денот на настанот.
Од 21- 01 часот по полноќ ќе се одржи музички хепенинг каде ќе настапат алтернативни бендови со авторска музика.

За прв пат во Македонија ќе настапат добро познатите рапери Звезде Грајма од соседна Србија, како и Пука Бенд Брука (Скопје), раперите Bad Contract (Охрид), и панк составите The Author (Охрид) и Комунална Хигена (Охрид). Забавата ќе продолжи со DJ RootBoy Selecta, кој ќе пушта музика до раните утрински часови.

Влезот е бесплатен, а пијалоците ќе бидат по екстра ниска цена.