Велигденски саем по втор пат

Велигденски саем по втор пат. Осумнаесет излагачи денеска и утре ќе ги презентираат своите рачно изработени предмети, украси, сувенири кои ќе се продаваат по симболични цени.

Саемот  се организира во халата за текстил во ЈП „Градски Пазар“. Директорот на ова јавно претпријатие, Тони Коталески вели дека се задоволни од интересот на производителите кои ќе земат учество на овој Велигденски саем.

Акцентот и оваа година е ставен на хуманоста. Закупот на просторот е бесплатен, а дел од средствата од продадените производи ќе одат во хуманитарни цели. Ние заедно со опшштина Охрид и Црвен крст дониравме 30 пакети за социјално загрозените семејства. Во нив се содржани прехрамбени производи и производи за лична хигиена, вели Коталески.

Општина Охрид и оваа година го подржа одржувањето на овој саем. Од таму велат дека со велигденските празници започнува и туристичката сезона во градов па ваквите манифестации се значајни и во тој контекст,

Оваа манифестација веќе завзема место и во туристичката понуда на градов. Ние мора да смислуваме нови форми и начини како истата да ја прошириме, рече заменик градоначалникот Ангел Јанев.

Јанев кажа дека во иднина ќе се залагаат овој саем да прерасне во помасовна манифестација и да се изнајде нова локација каде ќе можат да се престават повеќе производители.

{loadposition content9}