Хуманитарен меч на стари и нови женски ракометни ѕвезди

На иницијатива на женските ракометни ветерани од некогашниот ракометен клуб „Отекс“ Охрид, а во рамки на одбележувањето на јубилејот 70 на Црвен крст на Р.Македонија, Црвен крст Охрид во соработка со ЈП „Билјанини Извори“ Охрид, организира хуманитарен ракометен натпревар помеѓу екипите Ветерани на РК Отекс и РК Моби Дик, Охрид.

Натпреварот ќе се одржи во Спортската сала Билјанини Извори во Охрид, на 15.03.2015 г. (недела) со почеток во 12:00 ч.

Средствата собрани од доброволните прилози на посетителите во касите на Црвен крст Охрид, ќе бидат наменети за помош на деца од ранливите категории на граѓани од Охрид и Дебарца.

Ги покануваме нашите сограѓани да ја покажат својата хуманост и уживаат во несекојдневното, возбудливо ракометно доживување.

{loadposition content9}