Кулминација на карневалското лудило во Вевчани

Дефилето на маскираните групи од Горно и Долно маало од Вевчани, ќе го означи почетокот на карневалската забава.

Свое обраќање на отварањето на карневалот ќе има и министерката за култура Елизабета Канческа-Милевска.

Претходно, во 13 часот, таа во центарот на Вевчани, заедно со градоначалникот Цветомир Угриновски ќе го пуштат во употреба монтажниот објект наменет за продажба на сувенири и друг вид културно-туристички промотивен материјал.

Вечерва во 21 часот ќе се одржи концерт на етногрупата „Љубојна“ со Вера Милошевска-Јосифовска и Оливер Јосифовски, а гостите на на карневалот по 23 часот ќе ги забавува фолк-пејачката Елена Велевска. Старата нова година – Василица ќе биде пречекана со голем огномет што ќе трае три до пет минути.

Манифестацијата ќе заврши со традиционалното палење на маските на 14 јануари.

Инаку главната музичка програма во рамки на карневалските празнувања започна вчеравечер со настап на македонскиот бенд „Суперхикс“ и хрватскиот бенд „Прљаво казалиште“.

{loadposition content9}