Подводната елка по 13 пат накитена во Охридското Езеро

Триесет нуркачи членови на клубот за подводни активности „Амфора“ денеска во Заливот на коските кај Градиште по 13 пат ја накитија подводната елка. И годинава на овој несекојдневен настан младите нуркачи наздравија со детското шампањско, а добија и подароци од Дедо Мраз. Чуството да си под вода во пресрет на Новогодишните празници е необично, ново, и нешто што не може секој да го направи, кажаа најмладите.

„Ова многу значи за мене бидејќи јас почнав  со нуркање пред шест месеци и многу е интересно е за мене лично, новогодишна елка под вода тое е многу ретко, нешто чудно звучи но многу интересно е. Секој пат има нешто различно нешто посебно“– кажаа најмладите.
 
Со овој настан кој е од огромно значење за промоција на Охрид и прекрасното езеро, најпрво нуркачите си ја честитаа новата 2015 година, а воедно ја честитаа и на сите останати граѓани на РМ, со  желба за здравје, успех и подобар живот” како што изјави Горан Балев, подводниот Дедо Мраз.

„Досега добро одеше и од првиот пат и од другите години гледам дека имаше одзив и по интернет порталите и по медиумите и во странство. Досега сме задоволни како тече оваа работа инаку не би ја правеле, ние планиравме нешто поголемо но такви се состојбите како што се“ – вели Балев.

Инаку подвдводната елка како  една своевидна атракција за новогодишните празници претставува дополнителна причина туристите да слушната за Заливот на коските и да го посетат. Наколната населба во заливот и археолошкиот локалитет Миќов град привлекуваат секоја година илјадници гости од земјата и од странство. Според Завод и музеј Охрид, Заливот на коските е најпосетена туристичка дестинација во Охрид.

{loadposition content9}