Медичи Кантантес од Полска добитник на Гран при наградата на Охридскиот хорски фестивал

Хорскиот состав Медичи Кантантес од Медицинскиот универзитет во Вроцлав Полска е добитник на наградата „Гран при“ на Шестото издание на Охридскиот хорски фестивал.

Полскиот хорски состав со изведбите на „Глорија“, „Македонско оро“ на Тодор Скаловски и неколку други нумери беа избрани како севкупни победници во групата од седумте финалисти кои денес го имаа последниот настап на годинешниот Охридски хорски фестивал. На годинешното шесто издание на Охридскиот хорски фестивал, вкупно настапија 34 хорови и тоа од Литванија, Романија, Србија, Унгарија, Полска, Германија, Естонија, Украина, Турција, Босна и Херцеговина, Хрватска, Латвија, Бугарија. Инаку победниците, хорот Медичи Кантантес од Вроцлав, е основан во 2000та година од Агниешка Франков Желазњи. Од 2012та година, како втор диригент им се приклучува и Магдалена Липшка.

Овој хор уште од своето основање зема учество на национални и меѓународни натпревари, а добитници се и на многу престижни награди во Словачка, Грција, Велика Британија, Чешка, Русија. Медичи кантантес се особено познати по своите а-капела настапи.

{loadposition content9}