За Велигден наместо јагнешко свинско на трпезите

Охриѓани забрзано се подготвуваат за престојните велигденски празници. Овој најголем христијански празник се карактеризира со богата трпеза, со јагнешко и со вапцани јајца. Но, длабочината на џебот на граѓаните за жал  не дозволува еден пристоен Велигденски ручек со своето семејство.

Производителите на јајца велат дека и покрај нискиот стандард граѓаните купуваат. Цените се движат  од 100 па се до 200 денари по шаблон и се многу пониски од минатата година.

-Не е лошо, се троши, годинава е многу поефтино па повеќе се купува, вели еден од производителите на јајца.
Дуг пак кажува дека слаба е потрошувачката. Граѓаните повеќе купуваат по маркетите одколку кај нас, додава тој.

Јагнешкото месо изминативе години со своите цени и тоа како знаеше да ги шокира граѓаните. Тоа минатата година достигна цени и до 400 денари за килограм. Годинава барем засега цената е нешто пониска.

–Цената на јагнешкото моментално е 345 ден. Засега не се купува многу. Купуваат по неколку килограми, а поголемиот дел од купувачите се одлучуваат за свинско, вели Гоце Каранџулоски од месарата МИК Свети Николе.

Цената од 350 денари за килограм се чини дека ќе биде и максимумот годинава, но и покрај тоа во месарниците повеќе се продава свинско отколку традиционалното јагнешко месо. Велигденската трпеза се чини со текот на годините полека го менува својот изглед.

{loadposition content9}