Советот на општина Струга ја одржа 12 тата седница

Советничката говорница во салата за седници на општина Струга, денес не беше многу користена од страна на градските избраници. Дневниот ред на дванаесеттата седница со 16 точки, плус дополнително предложените 4 точки, поминаа глатко, со исклучок на предлог одлуката за работното време на струшките занаетчии која беше одложена за некоја наредна седница. Претседателот на струшкиот Совет Абдула Ќазимоски, вели дека нема седница без да се замеша политиката, па таков бил и денешниот тек на седницата.

„Во одредени ситуации бев малку разочаран, бидејќи знаете дека кога се работи за аплицирање на некои документации за да се дојде до некои финансии, после образложувањето на некои администратори кои се задолжени тоа да го приготват му објаснуваа дека од 4 апликации добивме само една, но како и секогаш секој советник сака малку повеќе да се исполитизира тоа “ – вели Ќазимоски.

Струшките советници главно беа задоволни од донесувањето на завршната сметка за 2013, бидејќи истата едноглесно беше усвоена. Јулијана Зуноска координаторот на советничката група на ВМРО – ДПМНЕ, рече дека денешната седница за граѓаните на општина Струга е од посебна важност бидејќи се донеле две мошне важни одлуки. Едната се однесува  за изградба на пешачка и велосипедска патека во селото Драслајца, исто така и во селото Ташмаруништа.   

„Се донесе одлука по повик на Бирото за регионален развој за изработка на техничка документација за пешачка патека во селото Драслајца до ОУ, кој пат е проблематичен и дури мора да се преземе се што е во наша моќ истата таа патека да се направи, бидејќи е од суштинско значење на селото особено за учениците кои посeтуваат настава во ОУ  „Климент Охридски“, изјави Зуноска.

Советниците од СДСМ имаа забелешка околу точката на дневен ред која се однесуваше на работното време на струшките занаетчии.

„Ние кажавме дека истата е наравена за општина која не е за туристички центар. Значи одредени занаети кои што се атрактивни за туристите беше предвидено во недела да не работаат и од сите забелешки кои што ги имавме заклучивме дека оваа точка не треба да биде на дневен ред и во соработка со претставници на занаетџиите да се донесе навистина една квалитетна одлука која што ќе ги застапува интересите на занаетчиите од Струга “- вели Николина Велкоска координаторот на советничката група на СДСМ.

Општина Струга во периодов што следи треба да изработи повеќе технички документаци за капитални проекти, како што е тоа изградба на депонија, пречистителна станица во село Лабуништа, доасфалтирање на одредени улици во Мислешево , како и изградба на канализација во селото Делогожда, кои одлуки денес добија зелено светло од советниците на општина Струга.

{loadposition content9}