Донација за детското одделение на Специјалната болница „Св.Еразмо“

Најмалите пациенти од Детското одделение на Специјалната болница за ортопедија и трауматологија „Св.Еразмо“ од Охрид, добија донација во постелнина, играчки, училишен  и друг потрошен материјал, од општествено одоговорната фирма „Глаксосмитклајн“. Дваесет и петте дечиња кои се на рехабилитација во ова одделение денес ги посетија претставниците на оваа фирма, кои покрај донацијата, за потребите на болницата буквално даруваа и дел од себе, дарувајќи крв, потврдувајќи го нивниот волонтерски дух.

„Оттука дојдовме денес сите вработени во „Глаксосмитклајн“ од една страна да ја врачиме донацијата која и самиот директор ја спомнаво форма на постелина она што најмногу им значи на болните, меѓутоа тука би се осврнала и на волонтерскиот дух што постои меѓу нив, а тоа е дека сите денес доброволно дојдовме, донесовме играчки, училишен прибор и се она што на дечињата може да им го разубави денот и престојот во болницата“ објасни директорката Биљана Индова.

Благоја Балев – помошник директор на Специјалната болница за ортопедија и трауматологија „Св.Еразмо“ истакна дека донацијата на „Глаксо“ е резултат на извршената проценка од нивна страна, а се со цел да се подобри стандардот на лекувањето на младите пациенти.

„Самата донација доставена од „Глаксо“ за нас е добредојдена затоа што потребите од медицински потрошен материјал ги регулираме преку јавни набавки, како и набавката на посетилни се регулира согласно законот, меѓутоа бидејќи станува збор за потреби од поголем интензитет, и материјали кои се трошат брзо, обновата треба постојано да се врши“ рече помошник директорот Балев.

Инаку оваа донација не е единствениот доказ за општествената одговорност која полека станува еден вид заштитен симбол на голем број успешни фирми од земјава. Помошник директорот Балев во таа насока ја истакна и Донацијата на „Алкалоид“ и тоа биохемискиот апарат, кој неодамна го донирале, а кој е од огромна важност за институцијата, посебно во предоперативната дијагностика.

{loadposition content9}