Годинава брисеви од грло и нос се земаат и во централната градинка

Градинките се спремаат за големиот почетокот на 02 септември. Законска обврска на родителите кои ги запишуваат дечињата во градинка е да донесат негативен бактериски наод од грло и нос на своите деца. Годинава за прв пат центарот за јавно здравје обезбеди мобилна екипа која брисеви на дечињата им зема во централната градинка. За дечињата земањето брис во градинка, наместо во просториите на центарот за јавно здравје помалку стресно.

Целта на акцијата на градинката и центарот з ајавно здравје е да им ја олесниме работата на родителите, нои стресот на дечињата, велат од детската градинка.  

„Заради сето тоа потребно е родителите да донесат упут од матичен лекар електронска картичка или сини картони и 80 денари. Брисот се земаше и минатата недела во сите објекти на градинката, а од денес до петок ќе се зема само во централната градинка  од 10 до 12 часот, затоа апелираме до родителите кои се заинтересирани во овие денови да дојдат во централната грдаинка“, вели медицинска сестра од градинката, Соња Кузманоска.

И од центарот за јавно здравје  се сложуваат дека на овој начин се намалуваат гужвите и нервозите во заводот, кои секогаш се создаваат при упис на дечињата во градинките.

„Резултатите од анализите ќе бидат дистрибуирани овде и сите резултати и наоди кои се без бактерија без наод, а сите кои имаат наод резултатите ќе можат да ги подигнат во центраот за јавно здравје. И во центарот се примаат, но да ја растеретиме малку гужвата и да не се создаваат редови во центрот за јавно здравје, а да им излезиме во пресрет на родителите тоа ќе го правиме и овде оваа недела“, вели Сашо Точко,центар за јавно здравје.

Ова е прва година како мобилна екипа на центрот за јавно здравје врши контрола на здравјето на децата кои се запишуваат во градинка, но доколку се покаже како добар овој потег истиот ќе се применува и во иднина. Тимот за заводот ќе си ја врши својата работа секој ден оваа надела освен во среда затоа што тоа е неработен ден.   

{loadposition content9}