Плажите не се подготвени за престојната туристичка сезона

Охридските плажи не се подготвени за престојната туристичка сезона. Вообичаено, првомајските празници го означуваат почетокот на сезоната за сончање и капење, но оваа година работите околу уредувањето на плажите дадени под концесија доцнат. Концесионерите велат дека поради високиот водостој плажа речиси и да нема. Тие бараат помош од Локалната околу чистењето и попесочувањето на плажите.

Од Локалната велат дека тие немаат никаква обврска спрема концесионерите на плажите. Од таму објаснуваат дека иако државата на општината и го додели државното градежно земјиште, концесионерите се тие кои треба да си ги уредат плажите почитувајќи ги сите барања кои се наведени во договорот кој го склучија сo Министерството за транспорт и врски. Закупците на десетте плажи на охридскиот дел од крајбрежјето доколку не ги испочитуваат обврските можат да се доведат во ситуација министерството да им ги раскине договорите. Од Локалната додаваат дека и покрај тоа што тие не се должни да помогнат околу уредувањето на овие плажи подготвени се да седнат на маса со концесионерите на плажите,  да ги слушнатнивните проблеми и барања и доколку има простор во некој дел да им се помогне, а се со една единствена цел, поуспешна туристичка сезона.

Поинаква е пак, приказната со плажите кои немаат закупци. Нив треба Локалната да ги чисти и уредува. Но, и тие се во незавидна состојба. Шут и ѓубре на сите страни, а наместо капачи затекнавме други четириножни посетители. Од Локалната ветуваат дека во најбрзо време ќе се зафатат со работа. Чистењето на плажите е обврска на ЈП Комуналец и е опфатено со акцијата за чистење која започна денес.

{loadposition content9}