Охрид домаќин на меѓународна бискупска конференција

На пленарна седница бискупите од регинов разговараа на тема „Католичкото семејство на просторите во дијаспората“.

Беше  разгледувана досегашната работа на меѓународната бискупска конференција ,а беа предложени и нови проекти.Бискупите покрај средбата со директорот на Комисијата за односи со верските заедници и религиозни групи, Звонко Муцунски  се сретнаа и со министерот за надворешни работи Антонио Милошоски. Монсињор Киро Стојанов истакна дека со министерот разговарале за актуелни прашања поврзани со ситуацијата во регионот. Станало збор и за односите на Македонската Влада со Светата Столица и католичката црква внатре во Македонија. Биле допрени и прашањата за интеграцијата на земјава во ЕУ и Нато , а станало збор и за Екуменизмот на овие простори.

Монсињор Киро Стојанов, скопскиот бискуп истакна дека експертите заклучиле дека Р. Македонија има  донесено еден од најдобрите Закони за цркви , верски заедници и религиозни групи,кој стапи на сила од 1 мај.
Белградскиот надбискуп , монсињор  Станислав Хочевар ја истакна желбата папата да ги посети овие простори.
Папата Бенедикт 16 до  Меѓународната бискупска конференција  упатил и специјален поздрав. Во црквата  Св.Кирил и Методиј во сослужение на сите бискупи беше одржана Свечена Архиерејска литургија предводена од монсињор Хочевар.

{loadposition content9}