И охридските лекари штрајкуваат

Поддршка на самостојниот синдикат на клиничкиот центар денес  му дадоа и докторите од општата болница од Охрид. Лекарите кои штрајкуваат интервенираат само на итни случаи, а на сите останати пациенти на кои состојбата не им е итна прегледите им се презакажуваат за други денови. Д-р Никола Симоновски, претседателот на синдикат на Општата болница Охрид вели дека прекинот на работата се одвива без никакви последици по пациентите бидејќи на сите оние кои им е неопходна здравствена помош истата им се пружа.

Инаку, лекарите специјалисти бараат под итно укинување на проектот за плаќање по учинок. Како што веќе е познатао Министерот и Министерството за здравство не го прифаќа штрајкот бидејќи не била прекината работата со пациентите и дека се преговара само со гранковиот синдикат.

Се чека утре да се слушне ставот на двата синдикати по што најверојатно штрајкот ќе се интензивира, вели Д-р Симоновски. Тој и неговите колеги се сепак оптимисти дека Министерството ќе ја преиспита својата одлука и дека штрајкот ќе биде прекинат на општо задоволство.

{loadposition content9}