Уште едно собиралиште на наркозависници

Во градов се појави ново собиралиште на наркозависници и други извршители на малолетничка деликвенција. Откога пред две години беа срушени неколку стари куќи кои се наоѓаа во близина на училиштето Христо Узунов, а беа собиралиште на наркозависници, сега тоа се прави на нова локација, тврдат мештаните од овој дел на градот. Тие објаснуваат дека собиралиште на наркомани, а и на проститутки е надвозникот на улицата Питу Гули.

Од Свр Охрид велат дека досега кај нив не е пријавен ваков случај. Тие потврдуваат дека во овој дел од градот пред две-три години имало неколку локации кои биле собиралиште на наркозависници, но конкретно за овој надвозник немаат такви сознанија. Синоќа нивни патроли на наша иницијатива во доцните ноќни часови го посетиле ова место.

Димовски вели дека и понатаму ќе вршат контроли на оваа локација и додава дека само со заедничка соработка со граѓаните, медиумите и другите релевантни институции ќе се зголеми степенот на безбедност во градов. Инаку, во СВР се  регистрирани 401 нарко зависник, од кои пет се и дилери. Случај на малолетничка проституција не е регистриран.

{loadposition content9}