Противпожарната единица засега останува на старата локација

Засега нема дислокација на Противпожарната единица во Охрид. Командирот Спасе Прентоски вели дека идејата на Локалната за преместување на противпожарната на друго место која потекнува уште од пред неколку години, барем според најавите за брзо време нема да се реализира.

Тој додава дека нивниот став е јасен. Локацијата на која се наоѓаат е најпогодна за обавување на нивната дејност, но командирот додава дека доколку Локалната одлучи поинаку тие ќе мора да прифатат. Како една од можните локации каде би се сместила противпожарната единица беше спомнувана и  касарната.
 

Од Локалната велат дека има измени на Деталниот урбанистички план за овој простор. Нацрт планот е веќе доставен до Министерството за транспорт и врски и се чека дали од таму ќе стават потпис на измените или не.

Доколку се прифатат новите урбанистички решенија Противпожарната дефинитивно  ќе се дислоцира. Но, ќе се бара соодветен простор како истата би можела ефикасно да функционира за потребите на граѓаните на Охрид и пошироко, вели портпаролот на Локалната, Симон Илиевски.

{loadposition content9}