Автомобилите заменете ги со велосипеди

Од таму велат „ Охрид има идеални услови за возење велосипед, недостасуваат само велосипедски патеки“.

Зелениот центар од Охрид ги додели наградите на учениците кои со свои пишани или ликовни дела учествуваа на конкурсот кој се одржа по повод Светскиот ден без автомобили. На ваков начин го заокружуваме овој проект, вели Борис Матески претставник на Зелениот центар. Тој кажува дека децата во голема мера знаат да се грижат за животната средина, но  возрасните се тие кои најчесто ги кршат правилата.

Матески потенцира дека не треба само еден ден во годината да ги заборавиме автомобилите и да ги замениме со велосипеди. Тоа треба да го правиме многу почесто . Причина повеќе за употребата на велосипедот е што Охрид има идеални климатски услови за тоа. Единствено што ни недостасува, вели Матески се велосипедските патеки.

Инаку Светскиот ден без автомобили се одбележува на 22 септември. Оваа година по тој повод се одржа трка со велосипеди.

{loadposition content9}