Локалната ги крие кандидатите за директори во училиштата

Пропаднаа во вода шпекулациите дека во Охридските основни училиште на директорската фотеља ќе седнат староновите директори.  „Во Општинското Основно Училиште, Григор Прличев конкурсот е завршен, постапката е во тек и согласно законот и комисиската расправа, како и одлуката на училишниот одбор, градоначалникот ќе треба да се произнесе деновиве, по предлогот од Училишниот одбор“, вели претставникот од секторот за образование при локалната самоуправа, Серафим Наумовски.

„ Мислам дека ќе го почитуваме законот и во двете ОУ ќе бидат избрани за директори други лица.Неможе истите директори да останата на функцијата односно да бидат избрани за директори. Согласно законот беа два мандати и сега ќе биде распишан конкурсот и треба да видиме кој ќе конкурира“ вели претставникот од сектор за образование, Серафим Наумовски.

Наумовски додава дека во двете други основни училишта Христо Узунов и Братство Единство од наредната недела ќе отпочне постапката за избор на директор. „Согласно законот ги почитуваме роковите кои се пропишани во истиот, така да и во тие основни училишта благовремено ќе биде извршен избор на директори“, додава Наумовски.
Од секторот за образование не сакаа да откријат колку и кои кандати се заинтересирани за директорската фотеља во основните училишта.

„ Сеуште постапката е во рамките на органите на ООУ Григор Прличев и немаме сознание колку кандидати имаат конкурирано на конкурсот во училиштето сигурно го имаат податокот и да ви кажам дека постапката е во тек. Имаме информации дека и комисиски се разгледувани кандидатите и за брзо време очекуваме предлог до градоначалникот“, вели Наумовски.

Додека надлежните ги спроведуваат законите, се објавуваат конкурси, пријавуваат кандидати, поточно  тече постапката за избор на први луѓе во основните училишта, а функцијата директор во истите ја спроведува в.д директор.  

Имено на 11. јануари во дневниот весник „Нова Македонија“ беше објавен конкурсот за директор на Основното Општинско училиште „Григор Прличев“ и истиот траеше до 19 јануари. Што се однесува до Христо Узунов и Братство Единство конкурсот ќе биде распишан во првата недела во февруари.  

{loadposition content9}