Василица е празник кој меѓу народот често е причина за полемики бидејќи на едно место се споени и паганските ритуали и православните обреди. Сепак, православната црква поучува да се обрне поголемо внимание на чествувањето на големиот чудотворец свети Василиј.
„За жал денес иако сме 2000 години по раѓањето на Христа сеуште имаме пагански традиции кои немаат никаква врска со светото Православие. Секој оној кој се труди да живее уреден православен живот се отргнува од самите оние пагански обичаи, карневали, ставање маски што е спротивно на учењето на светото православие. “
Маскирањето за Василица е поврзано со ритуалот за истерување на лошите сили и демони. Во секоја маскирана група најзначајно место имаат зетот и невестата, а веднаш до нив маските на бабата, дедото и попот. Маскираните тропаат на секоја порта, а домаќините ги даруваат со зрнеста храна, костени, овошје и слатки.
{loadposition content9}
