Пирес го предлага Венгер за селектор

Некогашниот репрезентативец на Франција, Робер Пирес изјави дека за националаната селекција на таа земја, дека најдобро би било Арсен Венгер да го преземе кормилото од Доменек.

„Арсен е вистински џентлмен и верувам дека со своите квалитети значително ќе ја унапреди репрезентацијата. Точно е дека моманетално тој има ангажман, но во фудбалот се е можно и сигурен сум дека тој добро би размислил за понудата да го преземе францускиот државен тим“, изјави фудбалерот на шпанскиот „ Виљареал.

Пирес го обвини актуелниот селектор Доменек за кризата на резултатот на француската национална фудбалска репрезентација на последното европско првенство.

„Секако дека тој е најодговорен. На никој не му е јасно како успеа да го однесе тимот на европското првенство“, изјави 34-годишниот интернационалец.

Француските медиуми потсетуваат дека Пирес беше стандарден репрезентативец на триколорите и дел од тимот кој триумфираше на светското првенство во 1998 година и на европскиот шампионат две години подоцна, како и дека дресот со државниот грб последедн пат го носеше во 2004 година кога од тимот го исклучи токму Доменек.