Проработи информативниот центар на Галичица

Информативниот центар на НП „Галичица“, ставен во функција. Управата на паркот веќе ги зазеде своите позиции во канцелариите на центарот, уште пред еден месец. Во тек е фазата на уредување на делот за посетители. Според најавите на директорот на паркот Зоран Ангелоски, до крајот на јули целиот објект треба да биде комплетно уреден и официјално да биде ставен во употреба за сите посетители. Изминатиот период во рамките на активности на националниот парк се случија многу работи. Една од нив е процедурата за обука на лиценцирани туристички водичи која е единствена од ваков карактер во земјава, вели Ангелоски.

Обуката на лиценцирани туристички водичи на паркот е со цел, на сите посетители да им се пласираат висококвалитетни информации за природните раритети на паркот како и за се она што е направено од инфраструктурен аспект, вели Ангелоски. Тој додава дека постои голем интерес за обука на туристички водичи од една страна, но исто така во последно време зголемен е интересот и на посетителите од друга страна.

„Бројот на посетители постојано се зголемува и голем дел од нив се странски туристи. Во последно време холандските туристи се наши чести гости дури бараат место за престој во планинската куќа асанџура и задолжително бараат посета на Св. Наум“.

Во новиот објект, покрај посебно уредените простории за потребите на паркот, одвоен е дел и за продажба на сувенири. И оваа заложба на менаџментот е новитет, кој за прв пат се спроведува, вели Ангелоски. Додава, дека има стотина разни сувенири меѓу кои се сретнуваат и такви кои го носат логото на паркот.

Уште многу активности чекаат на промоција а за кои јавноста набргу ќе слушне, вели Ангелоски. Тој е задоволен од досега сработеното, посебно што тоа го забележале и дел од експертите за национални паркови од Европа, кои со намера доаѓаат во паркот да видат како се уредува една ретка природна национална вредност, додава тој.

{loadposition content9}