Стопирана изградбата на сервисниот центар во локалната самоуправа

Стопирана изградбата на сервисниот центар во локалната самоуправа. Со судско решение се забрануваат понатамошни градежни зафати.  До ваквата одлука дојде откога ПЕ на Министерството за правда пред речиси еден месец поднесе тужба против локалната за вознемирување на сопственост.

За градоначалникот на Охрид ова е политичка одлука.

„Со ова просторно  проширување од  63 метри квадратни најмногу добиваат граѓаните, вели Петрески. Тука тие  ќе можат да добиваат информации за работењето на локалната самоуправа, па не знам зошто тоа некому му пречи“, додава градоначалникот.

Петрески вели дека општината побарала од владата да го трансформира земјиштето од државно во општинско но сеуште процедурата не е завршена. Тој објаснува дека ќе ја почитуваат судската одлука, и ќе ги стопираат градежните работи од надворешниот дел, а внатре продолжуваат со интервенции.

Инаку покрај овој сервисен центар во Охрид  предвидена е изградба и на два дополнителни, еден во Пештани, а друг во Косел. Проектот чини 60.000 евра и е финансиран од страна на европската  агенција за реконструкција.