Масовно капење на рибарите

Фрлањето на буриња со вино во водите на Охридското езеро дел од одбележувањето на големиот христијански празник Св. Јован Крстител. Оваа традиција од година во година прераснува во врвен настан не само кај нас туку и пошироко. Триесет литарското буре кое падна во рацете на годинешниот ксметлија Иван тасески, ќе му донесе 10 000 денари, а ќе се испие за 5 минути.
Евроамбасадорот Ерван Фуере и годинава дел од тајфата на скокачите по бурињата со вино. Како и секогаш неговите импресии се повеќе од позитивни.
Тој верува дека Охрид со оваа манифестација е чекор понапред од останатите македонски градови и е репер за тоа во која насока треба еден град културно да се надградува.

Присуството на охриѓани и бројните гости и годинава  масовно. Гостите импресионирани од адетите кои се прават во рамките на одбележувањето на Богојавление. Некои беа присутни за прв пат а некои не, но дадоа ветување дека за летниот одмор сигурно повторно ќе се вратат
Спомените за риболовот во Охрид, кај Илија Поп Стефанија, не избледуваат ни после многу години. Што значел риболовот некогаш а што значи денес, ни појасни овој стар рибар. Според Поп Стефанија од риболовот добро се живеело некогаш, а денес не е тоа така
Годинава во рамките на одбележувањето на празникот беа вклучени нови содржини. Приготвување на рибја чорба и прикажување на средствата со кои некогаш се ловела рибата.
И годинава гостите се замезија со охридската плашица и домашните колбаси, а се напија и по некоја голтка вино. Годинава во знак на деветгодишното посетоње на оваа манифестација во водите на Охридското езеро на Сараиште, се фрлија 9 буриња со вино. Денот по Богојавление, 20 ти јануари е посветен на Св. Јован Крстител, заради неговата главна улога која ја одиграл тој во крштевањето на Исус Христос во реката Јордан.

{loadposition content9}