Кој чека, ќе дочека. Конечно, долгонајавуваното рушење на небезбедни објекти во грдов отпочна. ТВМ во неколку наврати го актуелизираше овој проблем, кој претставуваше рак рана на општината. Тоа го признаа и од Локалната, поточно од Комуналниот инспекторат, кои во последните изјави за нашиот медиум, се оправдаа дека чекаат налог од Секторот за урбанизам. Налогот за првите 8 ризични објекти, веќе е во рацете на надлежниот инспекторат.
„Овојпат работата ќе ја истераме до крај“, категоричен Танасоски. Тој вели дека нема прогледувње низ прсти, без разлика за кој и да се работи.
Согласно завршената тендерска постапка, од четирите лиценцирани фирми за рушење на објекти избран е Лоте компани, како најповолен и најкомплетенн изведувач, вели Танасоски. Но тој не ја исклучува можноста и останатите фирми во понатамошниот тек на работа, да земат учество. Танасоски првично нема податоци колку чини рушење на еден ризичен објект.
Како и да е важно е дека се почна од некаде. Со овој позитивен и за пофалба чин донекаде се враќа довербата во јавноста дека сепак надлежните институции не се глуви на нивните апели и укажувања.
{loadposition content9}
