Квалификации за СП: Холандија нов предизвик за Македонија

Македонија осоколена по стартната победа против фаворизираната Шкотска, вечерва против Холандија пречекува уште еден фаворит во квалификациите за пласман на Мундијалот 2010 година.

Холандија, петта репрезентација на листата на ФИФА; пред натпреварот на Градскиот стадион во Скопје (20,30 часот) ја има улогата на фаворит, но Македонија шансата за успех ја гледа во добрата форма и традицијата. Во секој случај, љубителите на фудбалот, вечерва ќе можат да уживаат во несекојдневен фудбалски настан.