Кој даде амин за поставување на уште еден екран на плоштадот?

ТВМ во петочното издание на дневникот информираше во врска поставувањето на информативен екран во близина на градскиот плоштад. И денес на овој простор, нашата камера забележа дека продолжуваат работите околу поставувањето на истиот. Повторно се обидовме да стапиме во контакт со раководителот на секторот за урбанизам, Бранко Арнаудов, кој и денес, како и изминатите три дена, повторно не беше достапен, за да одговори на прашањето како на таа локација е дозволено поставување на огромен екран, токму пред јарболите за поставување на знамиња и пред спомениците. Потребен е одговор и на прашањето, како е дозволено поставување на габаритен објект кој ќе го блокира видикот од езерото кон стариот дел на градот и обратно. Бидејќи раководителот од секторот за урбанизам не беше достапен, повторно се обративме до првиот човек на градов, барем да одговори на прашањата, кој е изведувачот и која е фирмата која го нарачала поставувањето на екранот. Петрески вети дека утре ќе добиеме одговор на сите овие прашања.

Останува да видиме дали утре Петрески ќе го одржи даденото ветување и ќе ни даде одговор на овие прашања.

{loadposition content9}