Балкански софри во Охрид

На просторот на извидничкиот камп, се одржа десеттото јубилејно издание на „Софра 2010“.

Гастрономските специјалитети од Балканските земји, денес беа презентирани во Охрид. Десеттото издание на кулинарската манифестација „ Софра  2010“  ги собра на едно место готвачите од земјите на поранешните југословенски простори, како Србија, Хрватска и Словенија, како и претставниците од Бугарија и готвачите на руската амбасада во земјава. Нивна задача, презентација на нивните највкусни нацвионални јадења.

Овогодинешното издание на „Софра“ започна во Св. Николе за да заврши во нашиов град. Според зборовите на организаторите ова претставува убав начин зпред почетокот на овогодинешната туристичка сезона. Гостите учесници задоволни од организацијата, а на присутните им ги претставија нивните највкусни национални јадења.

Како покровител на овогодинешната Софра се јавува и амбасадата на Русија во Земјава. Рускиот амбасадор, презадоволен од организацијата изјави дека ова претставува убав начин за запознавање и зближување на културите на земјите учеснички.

На манифестацијата своите гастрономски вештини ги претставија 80 готвачи
поделени во 12 екипи од неколку земји од регионов.
{loadposition content9}