Охрид станува конзулски град

Министерот за надворешни работи на Република Турција, г. Ахмет Давутоглу, утре во Охрид ќе го отвори почесниот конзулат на Република Турција.
За почесен конзул е назначен Абдураман Бајрактар, познат стопанственик од Струга, кој е најзаслужен за отварањето на почесниот конзулат во Охрид. Ова ќе биде прво дипломатско преставништво во нашиов град лоцирано во близина на старата библиотека во поранешните простории на веслачкиот клуб.
Со ова уште повеќе ќе се придонесе во промоцијата на Охрид како на туристички така и на стопански план.
Инаку, за време на посетата на Охрид, турскиот министер ќе оствари средба со градоначалникот Петрески, а ќе посети и неколку културно – историски споменици и колеџот “Јахја Кемал“ во Струга.

{loadposition content9}