Просветни инспектори го скенираат ОУ „Св. Климент Охридски“

Тим од државни просветни инспектори трет ден  ја скенираат работата на основното училиште „Св.Климент Охридски“. Под лупа се ставени планирањето и подготвувањето на наставата, следење на наставните часови, постигнувањата на учениците, работата на наставниците, раководењето со институцијата како и целокупната инфраструктура.

Претседателот на инспекцискиот тим, Митре Шуминоски,  нагласува дека работата на ова училиште е случаен избор за нивниот увид. Контролата има за цел учениците да добијат подобар наставен  и образовен процес во училиштата, вели Шуминоски.
Забелешките, сугестиите и проблемите просветните инспектори ќе ги стават во извештај. Доколку во училиштето се  констатираат негативности ќе достават  решение за тоа како работите да се подобрат.
За 6 месеци ќе следува повторна контрола. Директорката  Славица Илиќ  од контролата очекува реално согледување на состојбите и работењето. Признава дека, како и сите други училишта, имаат и позитивни и негативни страни, но во наставничкиот кадар има ентузијасти и оптимисти кои придонесуваат училиштето да биде подобро секој ден.
После три години ќе следува повторен надзор на училиштето, а потоа ќе следува и оценување на школото од 1 до 4.
Вакви контроли се преземаат и во други основни и средни училишта во земјата. Доколку некое училиште добие негативна оценка тогаш ќе следува и преземање на ригорозни мерки против училишното раководство информираат од државниот просветен инспекторат.

{loadposition content9}