Ф1 ќе се вози и во Рим

Директорот на Формула 1, Берни Еклстоун потпиша договор со градот Рим за да се организира Формула 1 трката во оваа светска метропола.

„Договорот со Еклстоун за да се донесе Формула 1 трка е потпишан“, изјави Маурицио Фламини, организатор на Формула 1 во Италија.

Формула 1 трката би се водела низ улиците на Рим, слично како на трката во Монако, а од тимот на Еклстоун планираат проектот да биде реализиран до 2012 година.

Градоначалникот на Рим, Џани Алемано пак изјави дека нема Формула 1 трката во Рим, да ја замени веќе постоечката трка во Монца, туку дека се надева оти таа би била само втора во државата.

„Мислам дека трката за Големата награда на Рим, е многу важна. Таа нема да биде алтернатива за Монца, туку надополнување“ изјави Алемано.

Градоначалникот на Монца, Марко Марани го искажа своето незадоволство велејќи за „Газета“: „Ова е последниот акт на ароганција на „паразитот“ главен град кој живееше од кислородот на другите градови во изминативе 2000 години“.

{loadposition content9}