Денес ќе биде објавен домаќинот на ОИ 2016

Кој ќе биде домаќин на Олимписките игри во 2016 година ќе се знае денес по заседанието на Меѓународниот Олимписки Комитет (МОК) во Копенхаген.

По 18 часот, претседателот на МОК Жак Рог ќе го објави домаќинот на 31-те Летни Олимписки игри. Дали тоа ќе биде Мадрид, Чикаго, Рио де Жанеиро или Токио.
Многу државници им пружија поддршка на своите градови (читај-лобираа), па во изминатите денови во Копенхаген пристигнаа шпанскиот крал Хуан Карлос, претседателот на Бразил Луис Инасио Лула Да Силва, премиерот Јукио Хатојама и првата дама на САД Мишел Обама, додека Барак треба денес да пристигне во Данска.
Денес, претставниците на сите градови кандидати ќе добијат по 45 минути за презентација на својот кандидат.

{loadposition content9}