Комисијата за заштита од дискриминација денес упати Мислење до Собранието на Република Македонија по однос на Предлог законот за изменување и дополнување на Законот за безбедност на сообраќајот на патиштата.
Комисијата укажа дека законската одредба која предвидува одличен успех како услов за оспособување за управување со возила е дискриминаторска и е на мислење дека успехот постигнат во училиштата не влијае врз развојот на моторните вештини кај малолетниците со наполнети 16 години, кои се неопходни за совладување на техниките за управување со моторно возило.
Со оваа одредба, според Комисијата се врши неповолно постапување со учениците кои имаат послаб успех во училиште без оглед на нивните моторни способности со што истите се доведуваат во нееднаква положба.
Комисијата бара при донесување на овој Предлог-закон, Собранието да го земе во предвид нивното мислење.
{loadposition content9}
