Вонредна временска прогноза за Македонија

Вонредна временска прогноза со најави за врнежи од дожд и снег и значително ниски температури, за Македонија и регионот, објави за денеска Хидрометеролошкиот завод.

Врнежите од дожд кои ќе почнат да паѓаат рано утрината постепено ќе преминуваат во врнежи од снег и на пониските места. На повеќе места ќе се формира снежна покривка.

Дневната температура значително ќе падне, а ќе дува и умерен до засилен северен ветер.

Студено и со слаби врнежи од снег ќе биде и в недела. В понеделник утринските температури ќе се спуштат и до минус десет степени.

Викендов времето ќе се влоши и во другите држави од регионот. Нациналната метеоролошка служба во Романија објави втор степен на вонредна состојба за планинските реони, каде денеска се очекуваат силни бури и врнежи од снег.

Во Турција синоптичарите ги предупредуваат граѓаните дека студен бран ќе ја зафати целата држава, а во реонот на Мраморното море се очекуваат бури и поројни дождови.

Ниски температури викендов ќе ги зафатат Грција и Хрватска.

{loadposition content9}