Вицепремиерот Боцевски во посета на Франција

Македонскиот вицепремиер задолжен за европски прашања Ивица  Боцевски, денеска, на вториот ден од посетата на Франција, ќе се сретне со францускиот министер за имиграција, интеграција и национален идентитет Ерик Бесон.

Акцентот на разговорите ќе биде ставен на напредокот остварен во однос на критериумите од патоказот за визна либерализација. Очекувањата се дека ќе продолжи француската поддршка за ставање на Македонија на белата шенген-листа, од Париз.
Вицепремиерот Боцевски вчера во Париз оствари прва средба со својот француски колега Бруно Ле Мер, министер за европски прашања во француското Министерство за надворешни работи.

{loadposition content9}