Од утре Македонија во жолта, алертна фаза

Утре и во четврток се очекува Македонија да биде зафатена со температури кои се наоѓаат во жолтата, односно алертна фаза, според најавата на метео-алармот од Управата за хидрометеоролошки работи.

Деновите со повисоки температури се очекува да траат до крајот на неделата, а Министерството за здравство апелира до граѓаните да избегнуваат подолг престој на отворено од 11 до 16 часот, да носат лесна и светла облека, да консумираат лесна храна и течности, да одржуваат хигиена на раце и на хигиенски начин да ја подготовуваат храната, како и хронично болните редовно да ја земаат терапијата.

Инаку, синоптичарите прогнозираат дека до петок ќе се задржи претежно стабилно и многу топло време со температури помеѓу 30 и 37 степени.

{loadposition content9}