Унапредување на економските односи на релација Македонија – Хрватска

Хрватска и Македонија имат можност да ја унапредат соработката, особено во металопреработувачката индустрија, туризмот и воздухопловниот сообраќај.

Ова било констатирано на синоќешната средба на хрватската премиерка Јадранка Косор со македонскиот претседател Ѓорге Иванов, кој се наоѓа во официјална посета на Хрватска, соопшти кабинетот на Косор.

Во отворен и пријателски разговор уште еднаш е потврдено дека Хрватска и Македонија имаат развиени билатерални односи , кои сакаат дополнително да ги развијат особено на стопански план, се вели во соопштението

Косор и Иванов истакнале дека стопанствата на двете земји се добро поврзани и дека во Хрватска и Македонија традиционално постои голем интерес за производите од другата земја.

Хрватската премиерка изразила поддршка за Македонија на патот кон Европската унија (ЕУ), при што напоменала дека застојот во хрватскиот преговарачки процес со Унијата негативно делува и на останатите земји од југоисточна Европа.

{loadposition content9}