До темел изгореа конаците на манастирскиот комплекс „Трескавец“

Утринава, претставници на надлежните институции го посетија манастирскиот комплекс „Трескавец“ кој вчера попладне го зафати огнена стихија во која до темел изгореа конаците.

Во текот на денот ќе се врши увид во манастирот „Трескавец“ со цел да се утврди која е причината за појавата на пожарот во кој целосно изгореа конаците.

Само со пожртвуваната интервенција на прилепчани, на надлежните служби беше спасена црквата „Успение на Пресвета Богородица“ од 13 век, како и сите вредни предмети. Ова е трет пожар од 19 век па наваму во манастирот. Претходно конаците гореле во 1867 година и во 1990 година.

{loadposition content9}